நிலவின் குளிர் தாங்கா அலையொன்று
மீனாக உருமாறித் தாவிக் குதிக்கிறது
மேகக் கூட்டுக்குள்
சலனம் கலைக்கப்பட்ட கோபத்தில்
தகிக்கத் தொடங்குகிறது
சூரியப்பறவை
Showing posts with label இயற்கை!. Show all posts
Showing posts with label இயற்கை!. Show all posts
Wednesday, 6 November 2013
விடியல்.. கவிதை!!
20:39
ram
மீனாக உருமாறித் தாவிக் குதிக்கிறது
மேகக் கூட்டுக்குள்
சலனம் கலைக்கப்பட்ட கோபத்தில்
தகிக்கத் தொடங்குகிறது
சூரியப்பறவை
Thursday, 31 October 2013
மழை மழையாகவே இருந்தது!
21:44
ram
பிறிதொரு நாளில்
கன்னத்து லிப்ஸ்டிக் முத்தம்
அழிக்க முயற்சித்தது
மழை
பிறிதொரு நாளில்
கண்களின் நீர்த்தாரைகளை
மறைத்துக் கொண்டோடியது
மழை
பிறிதொரு நாளில்
நிகழ்ந்த பிரிவின்
உருவை ஈரமாக்கியது
மழை
பிறிதொரு நாளில்தான்
மழை மழையாகவே
இருந்தது
நீ என்னோடு மார்பணைந்து
நனைந்திருந்த அன்று
*********************************
ந ள் ளி ர வு ம ழை!
21:35
ram
எச்சில் காய்ந்திடாத முத்தத்தின்
ஈரமாய்
உறக்கத்தின் ஆழ்நிலையில் ஊட்டிய
உணவாய்
புணர்தலின் முடிவிலான இயக்கத்தின்
நனைதலாய்
தூரலிட்டுப் போயிருக்கிறது
ந
ள்
ளி
ர
வு
ம
ழை
*********************************
*********************************
பென்சில் நதி!
20:44
ram
பென்சில் நதி
நதி பற்றிய கவிதையை
நான் எழுதியபோது
அருகில் வந்த மகள்
வரைந்த நதியைக் காட்டினாள்
தாளில் ஓடியது
பென்சில் நதி
என் கவிதையை
அதில் கரைத்துவிட்டு
மறுபடி பார்க்க
இன்னும் முடியவில்லை
எனச் சொல்லியபடியே
ஓடிய அவள்
கண்களில் மீதி நதி
*****************
மழைக்குறிப்புகள்!
20:22
ram
மழைக்குறிப்புகள்
> வீட்டு முற்றத்தில்
> தேங்கிய மழைநீரில்
> விளையாட
> கத்திக்கப்பல் செய்து தாவென
> நச்சரிக்கிறாள் மது
> பழசின் அதிர்வுகள் உறுத்த
> வேண்டுமட்டும் செய்துதருகிறேன்
> தெறித்த மழையின்துளிக்கு
> மூழ்கிய கப்பலின் சோகம் அழுத்த
> வீரிட்டு அழுகிறாள்
> தேற்ற வழியின்றி தவிக்குமென் நினைவுகளில்
> உடைகிறது ஒரு
> சிறு குமிழி
வனம்!
16:55
ram
ஆறு மாதத்திற்குப் பின்
இங்கே வந்திருக்கிறேன்
தியானத்திற்காய் …..
உதிர்ந்த இலைகள்
பொலிவிழந்த மரங்கள்
ஹோ …..
என் தியானம்
எப்படிக் கழியும் அமைதியுடன் .
இங்கே வந்திருக்கிறேன்
தியானத்திற்காய் …..
உதிர்ந்த இலைகள்
பொலிவிழந்த மரங்கள்
ஹோ …..
என் தியானம்
எப்படிக் கழியும் அமைதியுடன் .
*****
வனாந்திரத்தில்
உதிர்ந்த பூக்களை
மிதித்தபடி
மரத்திலிருக்கும் பூக்களை
ரசித்துக் கொண்டிருக்காதே .
அதனதன் இயல்பிலிருக்கின்றன
பூக்கள் .
உதிர்ந்த பூக்களை
மிதித்தபடி
மரத்திலிருக்கும் பூக்களை
ரசித்துக் கொண்டிருக்காதே .
அதனதன் இயல்பிலிருக்கின்றன
பூக்கள் .
*****
வனத்தில் அமர்ந்து
சிறிது நெருப்பைப் பற்ற வைத்தேன் .
மரங்கள் அவற்றை
தன் அருகிலிருக்கும் துணைமரங்களுக்கு
கைமாற்றி விட்டுக் கொண்டிருந்தன .
சிறிது நெருப்பைப் பற்ற வைத்தேன் .
மரங்கள் அவற்றை
தன் அருகிலிருக்கும் துணைமரங்களுக்கு
கைமாற்றி விட்டுக் கொண்டிருந்தன .
இயற்கை!
16:48
ram
தொடர்ந்து
இயற்கையை அவதானித்துக்
கொண்டிருந்தேன்….
………தொடர்ந்து..
வயதாகி விட்டது .
என் மகனிடம் கையளித்துவிட்டு
செல்கிறேன் .
மரங்களும்
தன் பங்கிற்கு
கிளை மரங்களை எழுப்பியிருக்கின்றன .
** விதைகள் **
16:35
ram
கைகட்டிய சேவகனாய்
பவ்யமாய் உள்நுழைந்தது
பனி விலக்கிய ஒரு மதியப்பொழுது
விலகலின் திசை நேரெதிரென
அறியப்பட்டிருக்கவில்லை அப்போது
இரை விழுங்கி சுருண்டிருக்கும்
சர்ப்பமதின் செரித்தல் நிகழ்வென
மெதுவாய் நடந்தேறியது
வன்மத்தின் வாக்குவாதம்
தென்றலின் தீண்டலை மறுத்துரைத்து
உஷ்ணக்காற்றாய் முகம் கிழித்தது
முள் தடித்த சொற்கள்
எங்கோ பெய்யும் மழையின்
மண்வாசனையிலும்
அறுந்து விழும் நூலாம்படையிலும்
கருக்கொண்டுவிடும் இன்னமும்
விஷச்செடியின் வீரியவிதைகளென
